မနေ့ကကျွန်တော်ပြောခဲ့တဲ့ ငယ်ငယ်က ဟယ်ရီပေါ်တာအကြောင်းမဆက်ခင် ငယ်ငယ်က ကျွန်တော်တို့ နေခဲ့တဲ့ အိမ်အကြောင်းပြောချင်ပါသေးတယ် ........ ဘာမဆိုင်ညာမဆိုင်ပေါ့ ..........
အဲဒီအိမ်မှာ ကျွန်တော်တို့တစ်တွေကြီးပြင်းခဲ့ကြပါတယ် ...... အခုတော့ အဲဒီအိမ်မှာ ကျွန်တော့်အမေရယ်၊ ဒုတိယအစ်မရယ်၊ ညီမအငယ်ဆုံးရယ်၊ စုစုပေါင်း (၃)ယောက်သာနေပါတော့တယ် ......
အဲဒီအိမ်မှာ ကျွန်တော်တို့ငယ်ငယ်ကပျော်ခဲ့ကြတယ်၊ ငိုခဲ့ရတယ်၊ ဝမ်းနည်းခဲ့ရတယ်၊ မနေချင်တော့လောက်အောင် စိတ်ညစ်ခဲ့ကြဘူးပါတယ် .... ဒီအိမ်ကလေးအကြောင်းပြောရင် တစ်ထောင့်တစ်ည ပုံပြင်လိုဖြစ်မှာပါ ........... အခုတော့လဲ တိတ်တ်ိတ်ဆိတ်ဆိတ်ပါပဲ ..........
ကျွန်တော်တို့ အိမ်ကမြို့လယ် မကျတကျပေါ့ ....... ရန်ကုန်ကပွဲစားတွေအပြောနဲ့ဆိုရင်တော့ ..... ဈေး၊ ကျောင်း၊ ဘုရား၊ ကားဂိတ်၊ ရုံး အကုန်နီးပေါ့ .........
ကျွန်တော်တို့နေတဲ့မြို့ကလေးက မွန်ပြည်နယ်ထဲက မုဒုံဆိုတဲ့မြို့ကလေးပါ ............ ကျွန်တော်တို့ခေတ်ကတော့ ပညာတော်၊ ပညာတတ်တွေ အမြောက်အများထွက်ခဲ့တဲ့မြို့ကလေးပါ ............. ပြောရရင် ပညာကိုအားပေးတဲ့ မြို့လေးပေါ့ ......... ကျွန်တော်တို့ အထက်တန်းကျောင်းသားဘဝကဆို (၁၀) တန်းအောင်စာရင်း ထွက်ရင် ဆေးကျောင်းကို အယောက်(၂၀)၊ အင်ဂျင်နီယာ (၄၀)၊ စသဖြင့် အများကြီးထွက်အောင် သင်ပေးနိုင်တဲ့ ဆရာ၊ ဆရာမတွေရှိခဲ့တဲ့မြို့ကလေးပေါ့ ......
ပညာဆိုလို့ အိမ်အကြောင်းပြောရင်းကနေ ပြောရအုံးမယ် .......... ကျွန်တော်သူငယ်တန်း စတက်ရတဲ့နေ့ကို သတိယမိလို့ပါ .......... မှတ်မှတ်ယယ အဲဒီနေ့က အမေကကျောင်းလိုက်ပို့တာပေါ့ ........... စောစောကပြောသလိုပဲ ဈေးနီး၊ ကျောင်းနီးအိမ်ဆိုတော့ ......... မူလတန်းကျောင်းက အိမ်နဲ့ဆို (၄)အိမ်လောက်ဘဲခြားတာပါ ........... အမေက ကျွန်တော့်ကိုလွယ်အိတ်ပြင်ပေးပြီး လက်ဆွဲခေါ်သွားတယ် ...... ကျောင်းရှေ့မှာ မုန့်ရောင်းတဲ့ဈေးတဲကလေးရှိပါတယ် ............. ကျောင်းစောင့်မိသားစု က အပိုဝင်ငွေရအောင်ဈေးရောင်းတာပါ ......... ကျွန်တော်တို့ ငယ်ငယ်က ကျောင်းစတက်တဲ့အဲဒီနေ့မှာ အမေက (၁၀)ပြားတန် ထန်းလျက်ပြားတစ်ပြားဝယ်၊ ကျွန်တော့်လက်ထဲကို ထည့်ပေးပြီး ကျောင်းထဲ ဝင်ခိုင်းလိုက်ပါတယ် ............. ကျွန်တော်လည်းအမေ့ကို လှည့်ကြည့်လှည့်ကြည့်နဲ့ပဲ ကျောင်းထဲဝင်သွားတာပါပဲ .... အဲဒီနေ့ကိုတော့ ဒီလောက်ပဲမှတ်မိတော့တာပါ ............. ဘာပဲဖြစ်ဖြစ် ဘဝမှာ ပထမဆုံးကျောင်း စတက်ရတဲ့ နေ့ကို အခုထိမှတ်မိနေသေးတာပါ ............ အဖေက ကျွန်တော်တို့ကိုငယ်ငယ်တုံးက ခုခေတ်လို မူကြိုမပို့ခဲ့ပါဘူး ........
ကျွန်တော့်ရဲ့ မူလတန်းကျောင်းသားဘဝက သိပ်တော့ထွေထွေထူးထူးပြောစရာ မရှိပါဘူး ........ သာမန်ဖြတ်သန်းမှုပါဘဲ .. သူငယ်တန်း ... (၁)တန်း .... (၂)တန်း ... (၃)တန်း သာမန်ပါပဲ .... အတန်းထဲမှာတော့ ကျွန်တော်က တတိယလောက် ပုံမှန်ရလေ့ရှိပါတယ် .... ကျွန်တော့်အရှေ့မှာက ဒုတိယနဲ့ပထမကို မလေးမှုံ နဲ့ ကေခိုင်ညွန့် ဆိုတဲ့ သူငယ်ချင်းမ (၂)ယောက်က အလံလုသလို သူတစ်လှည့် ကိုယ်တစ်ခါ နေရာလုနေကြပေါ့ ... မှတ်မိစရာဆိုလို့ မနက်ခင်းကျောင်းတက်ခေါင်းလောင်းထိုးတာနဲ့ နိုင်ငံတော်သီချင်းဆိုပြီးရင် ဆရာကြီး ဦးအုံးတိတ်က ဘုရားစာတိုင်ပေးရင် အားလုံးလက်အုပ်ချီပြီး ဘုရားစာလိုက်ဆို၊ ဘုရားရှိခိုးရတာကိုပါ ..... သိပ်ကောင်းတဲ့အလေ့အကျင့်ပေါ့ .....
ဆရာကြီးဦးအုံးတိတ်က အသံသြဇာကောင်းလို့ တစ်ကျောင်းလုံးကြားအောင် အော်နိုင်သူပါ ... (ဘယ်လောက်အော်နိုင်သလဲဆို ကျွန်တော်တို့ နေမကောင်းလို့ကျောင်းမတက်နိုင်တဲ့ ရက်တွေဆို ဆရာကြီးရဲ့စာသင်တဲ့အသံကို အိမ်ကနေ ကောင်းကောင်းကြား ရပါတယ် ......... နောက်တော့ဆရာက အပိုအလုပ်အနေနဲ့ ဘိသိက်ဆရာ လုပ်ပါသေးတယ်) ...... ကျောင်းသားအားလုံးလဲကြောက်ကြပါတယ် ... ညနေကျောင်းဆင်းရင်လည်း ဆရာကြီးက စက်ဘီးကိုဖြေးဖြေးစီးရင်း လမ်းပေါ်က ကျောင်းသားအားလုံးကို လက်ပိုက်ပြီး လမ်းဘေးကနေကပ်သွားဖို့ သူ့အသံနဲ့ တစ်လမ်းလုံးအော်သွားတော့တာပါပဲ ........
No comments:
Post a Comment